Ronald Chiu

35 Flips | 1 Magazine | 20 Likes | @ronaldchiu75 | Keep up with Ronald Chiu on Flipboard, a place to see the stories, photos, and updates that matter to you. Flipboard creates a personalized magazine full of everything, from world news to life’s great moments. Download Flipboard for free and search for “Ronald Chiu”

冬天 — 鼻涕失控的季節⋯

乞衣仔之惡劣行為事件簿之二 話說我出入返工放工去街主要嘅交通工具都係巴士,簡單啲黎講我可以稱得上係一個搭巴士達人!(其實咪又係乘客一個) 搭巴士最怕遇到啲人好冇公德心,係度食埋啲大陣味嘅野,食完又隨手掉落地下!你話返工趕得滯食個麵包,三文治我都唔理你,但係好似呢個人咁我就火都黎! 早排收工上咗巴士梗係即瞓,朦朧之間聞到陣怪味,原來有條友係前面食「炒麵」! 喂~有冇咁餓呀!?食食食! 如果我有叮噹嘅「停止秒錶」,我一係就喺佢隔放個好臭嘅屁,一係就兜鎚窩面! 大家記住,唔好係巴士食野,唔係突然間聞到臭屁味唔好問點解。

唔知從幾時開始,請假變成一種罪,唔係殺人放火,不過當你放完假返工嘅時候,見到一大堆工作,仲慘過死刑。 屎唔敢痾,水唔敢飲,目的係想盡快清咗之前嘅放假時嘅工作。 當你好努力咁覆Email,你覆一個,佢入三個,個種窒息又灰心嘅感覺,就好似不段有人向你掟雞蛋一樣,想接都接唔住... 都係個句,鬼叫你窮,做啦XX....

生活就是不停被星期一追趕著

被控還是失控

博士:「大家好!我係熊人博士,而家又係成語動畫郎嘅時間喇!」 YY:「博士,點解你又用叮噹把聲嘅?同埋呢個都唔係動畫,做乜叫動畫郎呀?」 博士:「KY...呀唔係,YY,配音嘅野你識條鐵咩,我個名就叫動畫郎,你吹咩~」 YY:「#%&$&@"!?」 博士:「好啦,言歸正傳,今日教大家嘅成語叫做《不知所謂》。 從前,有一個政府,佢不知所謂,講完。」

呢兩日我嘅愛人唔舒服,放假都係屋企攤抖,赤都肉埋。 今日佢冇online幾個鐘,以為佢瞓咗覺,原來佢係度睇HKTV嘅『選戰』。 佢話選戰有15分鐘1part,可以分開睇。 「佢分4part啫,妳實一次過睇埋啦!」 「唔係呀,我15分鐘就要停架,因為要收菇呀!」 原來........佢中咗菇毒...... 呢隻菇嘅魔力同HKTV一樣咁大,連我...我都行埋一邊.....

乞衣仔之惡劣行為事件簿 話說早幾日收工搭村巴,唔知好彩定唔好彩,原來我係最後一個人上車,最後一個位係比一個亞叔同肥佬夾住。 肥佬肥騰騰可能佢都控制唔到,但最乞衣係個亞叔,擘大個肶黎坐,係,冇錯,佢擘肶⋯⋯ pu你阿麼你邊度鄉下呀,你腳有事呀?啲位已經窄仲要擘大個肶!?點解?點解呀!? 你唔會覺得咁樣坐自己會似係黃帝呱?比盡你咪做李連英鴛鴦插!~ 呢一刻如果我可以有一個願望,我唔會希望架車快啲到又或者村巴變做的士,我只係希望我手上面有把電鋸,手起鋸落幫佢鋸走啲佢控制唔到嘅肢體..... P.S. 反對使用暴力 講完。

最近返工諸事不順,唔知做乜... 經常做錯野,擦極個芒都改唔到, 經常突然眼瞓,好似渴睡症咁, 經常頭暈暈,一返工就迷迷糊糊, 但一放工就好精神, 係咪有人擺咗啲咩風水陣,定一話比人落咗降頭呢? 大師,我駛唔駛祈福呀? 會唔會其實呢啲叫做「返工症候群」呢?

話說尋晚同我嘅愛人捉蝨詳談,談心談到鬼咁肉緊,心裡面不禁播起「you are my destiny」做背景音樂。 講講下講到好感慨,我就好情深咁問咗佢一個問題:「豬豬,如果我而家突然死咗,咁妳會點呀?」 「如果你突然死咗,我會死先過你架!」 吓。。。。。 我呆咗....因為我唔知妳講嘅究竟係問題定係答案,呢句句子好似有啲問題,佢嘅結構比起「你紅都面曬」同「我驚都未過」更厲害....好亂,我真係好亂... 最後,我地擁抱去結束呢場賽事...佢亦為我整咗個新嘅熊人誌logo。 豬豬,無論妳有幾九唔搭八,我都會咁愛妳~

啱啱上網見到啲post,有人影到個亞叔喺城巴入面放水..... 喂~!咩料呀? 究竟this city is dying 定係this man is 畸形 ? 係急到要咁樣要即刻痾,定係條友黐孖筋黐到去子孫根度呢!? 見到都攞命.....

這麼近,那麼遠 This is Bloody Monday.....

今日個個見到藍色剔就面青青,又流白汗又盛,其實有咩好怕喎~ 係呀,擺明係睇咗唔覆你呀,吹咩~ 你未經我同意就send野比我,我嬲你添呀! 我覺得最好就整個制係❌,我唔鍾意睇可以彈返比你,你send我就要收架喇?哼~

話說早幾日喺公司附近食完飯,點知困𨋢..... 黑到咁?第一次困𨋢嘅我都好淆底,但我知道要保持冷靜,絕對唔可以賴屎! 毫無經驗嘅我,當然第一時間撳實個警鐘啦,嘈都係咁話...同時,我亦sms 我嘅最愛話佢知我好愛佢。 十五分鐘後,一個整電梯嘅大叔好型咁徒手擘開道𨋢門,就咁我就喺度上演咗一幕極地逃生。落到樓下石蕉亞姐就話:「我以為邊個女士驚到猛撳實個警鐘添,攪到對講機講野都聽唔到!」 「點知呀,個指引冇叫我停架喎,淨係話叫我撳個警鐘,如果停咗以為誤嗚咁咪領野?」 話我冇經驗又好,大鄉里都好啦,我都唔想有呢啲經驗,我亦唔覺得困得𨋢多又有幾叻囉。 完咗之後即刻上咗機電署個網,喺度同大家分享下... 被 困 升 降 機 內 時 的 做 法 : 保 持 冷 靜 , 等 待 救 援 人 員,最 好 就 係 打 坐 勿 嘗 試 自 行 開 啟 升 降 機 門 , 堅 危 險 被 困 時 應 按 動 求 援 按 鈕 以 通 知 管 理 員 , 但 咪 撳 爆 個 鐘 ,得 閒 停 下 睇 下 有 冇 人 同 你 講 野 最 後 ,祝 旅 途 愉 快

細佬我近排手緊啲,好不容易儲到錢換電話。 之前嘅唉瘋耳筒未用過,咁梗係唔好嘥放上雅hoo!拍賣啦~ 今朝check email終於有人問野,見到個email嘴角都不禁繞起,彷彿好似中咗六合彩一樣。 但突然心血來潮,想睇下個買家係咩人,點知一check就把鬼火,全部都係「你呃人...你呃人!」,原來食咋糊... 怒火中燒,屎都滾埋!原來這些機會.... 我係呢度呼籲大家,如果有用開雅hoo!拍賣嘅朋友,千其唔好理呢個人 yvsmontima@gmail.com , 佢係呃人乜乜乜...

流肛:「佢地遊花園咋,唔關我事架!」

點解會咁樣? 點解要將唔合理嘅事情合理化? 點解要濫用私刑? 實在太過黐孖筋!

旺角彌敦道而家中西合璧,關公crossover 耶穌,大家見到都要比面,仲邊有得輸丫~

連日嚟嘅抗爭,令大家熱血沸騰,就算大家唔同立場,都要保持克制,冷靜。 做自己要做嘅事,但要懂得保護自己。 現在並非請英雄嘅時候,應該量力而為。 班所謂議員同埋佔中發起人唔該收皮,市民並唔係傀儡,亦無須要去煽動同唆擺。 最後,絕對反對暴力,唔想再見到有人為咗呢件事而流血同失控。

智能手機嘅出現,的確帶咗比人好多嘅方便,但同時亦有好多「低頭族」嘅族人出現。 離譜嘅唔只成日撳撳撳,坐低撳,搭車撳,食飯撳都算,道行高嘅可以一路行一路撳,睇片煲劇,過住馬路都係咁! 大佬呀,玩少陣睇少陣唔駛死架,咁過馬路已經衰架啦,仲要成日慢慢行塞住啲通道,你話抵唔抵打!?

而家啲狐仙道行好高,喺秋涼嘅天氣都偷偷地走出嚟,好離譜!

瞓把啦~

香港人生活節奏急速就係人都知,但好鍾意搵命搏,嫌命長嘅人都唔少。 係返工時間,總有啲死士喺馬路邊爭先恐後,攝嚟攝去,攝到最頭咪又係紅燈企咗喺度~!比盡你快咗0.5秒咁又點,一下唔覺意命都比埋你。 如果下次見到有人又趕住去投胎,我諗應該要幫幫手,即刻上演一套:「我本善良之陰陽路十八之愛。回巢」去送佢返歸。

學誠哥話齋:「嗱~ 八號波喇安樂啦!早啲瞓,聽日準時返工喇!」 同六合彩 , iPhone 6一樣 這些機會。。。

即係咁講,十個老闆有九個都係特別嘅!你可以話佢天生異品,又或者係骨骼精奇,最特別係對眼,永遠睇到嘅只係一堆數字,嗰種能力同Matrix入面嘅操作員一樣,睇住啲亂碼就知道個世界喺點。 但係好老實,永遠唔會理當中嘅過程,話知你做到死,佢只會話:「我理得你制唔制,做啦,X街」 卑微嘅打工仔,老闆要你做,你根本冇say! 要你點唯有死死氣去做。 玩下雜耍,纓槍灌喉呢啲看似容易,做落好難,老闆呢對眼係唔會睇到。只會見到你失手同做錯。 老闆:「點解會咁架?」「冇可能做錯架啦咁簡單!」 做到係應份,做錯係過份。 當有一日迫虎跳牆,你諗住劈炮唔撈咁同老闆講:「咁叻,你做丫!你有冇試過呀?你唔去做!?」 老闆可能只會笑笑口咁答:「嘻嘻,屌~講呢啲!」 六合彩買咗未?不過最後都係嗰句:「瞓啦,聽日準時返工喇!」

熊人誌係度祝大家中秋節快樂! 繼續食燈籠,玩月餅! 臀臀圓圓~

打工仔,係老闆眼中你可能只係佢嘅一隻棋。 當佢自己全副武裝,包到冚哂嘅時候,可以推呢個赤條條嘅你出去打大佬,仲會裝飾佢嘅說話,好鼓勵你咁話:「呢度有個指甲鉗,係我最好嘅武器,而家係表現你自己嘅時候喇~你得嘅!」 最後係點大家心知肚明,死咗又推第二個出嚟,又話你骨格精奇,係練武奇才又盛。 總之,為生活,你可以去到幾盡?

話說有日去銀行櫃員機諗住攞錢, 九萬幾人排隊,是但搵條隊排啦。 過咗無耐,發現前面個亞嬸嘅動作有啲異常,攪乜隻手係咁擰嚟擰去... 咦喂~唔係呱!~ 妳挖...挖鼻屎?! 我當堂嚇一跳,然後得啖笑! 大庭廣眾採礦已經唔啱,仲要係我前面挖?挖完妳撳錢hi哂落啲數字度咁我點呀?!! 麻煩各位做人要有公德心,採礦呢家野返屋企先做啦!到時我理得你彈去老公個口度又好,邊度都好啦!唔好係條街度!

返工做到氣都咳,正所謂「痾屎都唔得閒」,但人有三急邊有得忍,趁有少少時間咪諗住衝入廁所燒炮仗! 小弟有個習慣,入廁格前會裝下條罅有冇鎖,好正路冇鎖即係冇人啦,仲唔嗱嗱聲推開度門,誰不知。。。 發現有條毛腿,條褲喺邊我已經冇理,樣都冇望就閃喇,太重口味我頂唔順。 呢個故事教訓你地,痾屎記得要鎖門呀!