Shan

9 Flips | 1 Magazine | 1 Following | 1 Follower | @hero0607 | Keep up with Shan on Flipboard, a place to see the stories, photos, and updates that matter to you. Flipboard creates a personalized magazine full of everything, from world news to life’s great moments. Download Flipboard for free and search for “Shan”

#穿越曼谷之旅 路線一《第一站》 今日我哋為你介紹嘅係離曼谷167公里位於KHAO YAI(考艾)泰國版嘅牛仔農場 (Farm Chokchai)。牛奶同雪糕食就食得多啦~ 但親手揸牛奶同整雪糕你又試過未呢?依度嘅雪糕仲係用最新鮮嘅牛奶做,絕對係原汁原味呀!^^ 食完雪糕係時候行下影下相啦~ 黎到咁熱情洋溢嘅泰國,當然最適合去太陽花花園影返張相,又或者可以去佢哋個小動物園餵下鹿仔架~ 行完農場都攰攰地,不如去見下班型男牛仔睇下表演先啦~ 玩左咁耐肚餓仲可以到農場入面間扒房食返塊新鮮牛扒添呀!大家精品酒店見得多啦,但精品帳幕有無去過呢?未嘅話就不妨試試體驗一下啦! 入場費:成人泰銖300元,小童(高度90﹣140cm) 泰銖150元 網址:www.farmchokchai.com #泰旅局 #曼谷

#穿越曼谷之旅 路線一《第二站》 尋日帶你去咗農場玩,今日我哋要介紹嘅就係PB Valley,距離Farm Chokchai只有23公里。PB Valley種植嘅葡萄分別有釀酒葡萄和食用葡萄兩種,除咗可以欣賞葡萄園,咁當然唔少得係度食埋個LUNCH再飲返杯自家制嘅葡萄酒或者新鮮葡萄汁啦~ 嘆LUCNH緊係要有個靚景襯托先叫去旅行架嘛~^^ 對住個一望無際嘅葡萄園食飽飽之後,鍾意嘅話可以去買啲酒,葡萄汁做手信架!飲飽食醉又買完野之後就準備衝入森林喇~~ 行多大約37公里就會到達KHAO YAI NATIONAL PARK 國家公園。佢係泰國第一個國家公國,佔地2,165.55平方公里遍佈4個州咁大架,依度動植物嘅品種非常豐富,剩係鳥類都有340種喇!注意有大象出沒!唔洗驚~~佢地係度散步啫,除咗大象外,仲有麂,林麝,長臂猿,長尾葉猴,獼猴等珍貴動物,夜晚仲可以坐住車睇到園內工作人員餵動物食野架~ 公園入面仲有幾條唔同大細嘅天然瀑布,係沙灘游水就游得多,係瀑布下玩水係咪都好想試下呢?想就記得著定泳衣喇~^^ PB Valley 入場費:成人泰銖250元,小童(4-12歲) 泰銖150元 網址: www.pb-partners.com www.khaoyaiwinery.com KHAO YAI NATIONAL PARK 國家公園 入場費:成人泰銖400元,小童泰銖200元 網址: www.dnp.go.th #泰旅局 #曼谷

Tourism Authority of Thailand (HK) / 泰國政府旅遊局 (HK)

#穿越曼谷之旅 路線三《第一站》 今次嘅路線我哋會帶大家都接觸泰國嘅歷史文化,從泰國文化遺產去更深入認識泰國嘅文化基礎。第一站我哋會帶你黎到距離曼谷53公里位於Nakhon Pathom(佛統府)嘅Sampran Riverside。依個莊園同其他渡假村好唔同,佢係建於1962年,到今時今日佢唔單只設有自己嘅酒店,6間湖畔泰式古董屋,泰式SPA中心,餐廳,仲有一個佔地10英畝嘅有機農地,農民市場同埋獨一無二嘅泰國文化村。係村入面你可以欣賞到泰國傳統嘅Bamboo Dance「竹舞」同大象表演外,仲有好多泰國傳統手工藝工作室,鍾意手工藝嘅朋友,仲可以去整返啲小禮物俾自己架~ 泰國菜大家食唔少啦~但係你又識唔識煮呢?依度會有師傅教你煮正宗泰國菜,煮完仲可以坐底一邊欣賞住美景,一邊品嘗自己嘅作品~係咪既有趣又寫意呢?!^^ 黎到Nakhon Pathom緊係要去全泰國最高嘅佛塔Wat Phra Pathom Chedi行下啦~成個佛塔有120.45米高,而且已經超過100年歷史架喇~Wat Phra Pathom Chedi被譽為皇室第一寺院,係佛塔入面好多巨歷史價值嘅裝飾品,仲有個博物館展覽各式各樣嘅收藏品添架~ Sampran Riverside 入場費:每人泰銖50元 網址: www.sampranriverside.com Wat Phra Pathom Chedi 網址: http://www.tourismthailand.org/See-and-Do/Sights-and-Attractions-Detail/Phra-Pathom-Chedi--5111 #泰旅局#曼谷

#穿越曼谷之旅 路線三《第二站》 第二站我哋會帶大家去探訪泰國嘅皇室,呢度就係距離Sampran Riverside 28公里嘅Sanam Chan Palace。呢個皇宮係由拉瑪六世喺二十世紀初建立。皇宮嘅建築一啲都唔簡單架~佢除咗有泰國當地特色外,亦結合咗法國文藝復興時期嘅建築風格,仲包含其他西方嘅裝飾等。主宮殿分別有兩層,第二層係國皇嘅私人起居部分,你可以喺度欣賞到獨特嘅混合建築風格外,仲了解到泰國皇室嘅生活模式。 下午我哋會去到位於Kanchanaburi嘅桂河大橋 (The Bridge over the River Kwai), 對二戰歷史熟悉嘅朋友應該都聽過呢個名喇!桂河大橋係二戰時期日軍佔領泰境期間,強迫盟軍戰俘建造連接緬甸及暹羅嘅鐵路其中一部分,由於興建途中犧牲了無數珍貴性命,故有「死亡鐵路」之稱。係橋嘅東面有一座小型嘅鐵路博物館,而係3公里外就係為盟軍殉難戰士而建嘅最大墓地 (Don Rak War Cemetery), 入面埋葬近7千名軍人既骸骨,呢度嘅歷史古蹟都有深遠嘅背景同故事,係非常值得探索同了解架! 心情沉重完緊係要輕鬆返下先啦!^^~ 講到放鬆緊係離唔開做SPA喇!呢個Resort唔單只SPA咁簡單,仲有10款唔同嘅溫泉添呀!Rock Vally Hot Spring 係位於Kwai Noi River既懸崖上,令你可以致身於一個未受污染嘅大自然中架~未試過喺泰國浸溫泉嘅話就要試下喇~~ Sanam Chan Palace 入場費:每人泰銖50元 Rock Vally Hot Spring 網址: www.riverkwaivillagehotel.com www.rockvalleyhotspring.com #泰旅局#曼谷

#穿越曼谷之旅 路線三《第三站》 第三日嘅第一個景點我哋會帶大家去睇泰國最靚瀑布之一嘅 Erawan Waterfall,佢喺位於 Erawan National Park 依拉旺國家公園入面。呢個瀑布分為7層,每層都有獨特嘅形態!一路行上去可以一邊欣賞森林景色之餘,攰攰地仲可以嘆返個森林浴架^^ ~ 去完世外桃園後我哋就帶大家參觀地獄喇!唔係講笑架!Hellfire Pass (地獄火通道)其實係我哋尋日介紹過「死亡鐵路」嘅其中一段,重係最著名嘅一段。因為日軍係二戰時為左建設鐵路,強迫戰俘工作16﹣18小時,挖通17米深嘅山壁,因此興建過程死傷無數。喺入口有個博物館 (Hellfire Pass Nemorial Museum), 係由澳洲政府為哀悼死者而建立,入面展覽左當時興建過程嘅文物同相片,仲有整個死亡鐵路嘅模型,你可以喺度了解更多呢段慘痛嘅歷史故事。 跟住我哋會去到距離泰國同緬甸邊境嘅小城鎮 Amphoe Sangkhlaburi,呢度有一座水底寺廟,係由長頸族(Karen)同孟族(Mon) 興建架~喺3月至5月水退嘅時候就可以睇到成座寺廟,而其他時間就只係睇到寺廟頂部,所以想去參觀嘅朋友要好好把握去嘅時間呀! Erawan Waterfall 入場費:成人泰銖200元,小童泰銖100元 網址:www.dnp.go.th Hellfire Pass Nemorial Museum 入場費:免費 #泰旅局#曼谷

#穿越曼谷之旅 路線四《第一站》 第四條路線我哋會同大家去體驗河道上嘅生活文化特色。第一站會去到有100年歷史位於Ratchaburi 嘅 Damnoen Saduak Floating Market, 呢個水上市場非常多旅客去架~ 係入面去可以包隻艇仔去SHOPPING之餘,仲可以觀賞到椰子種植園同埋用椰子做糖嘅製作過程,咁當然唔少得有各式各樣嘅新鮮蔬果同手信可以俾大家買返屋企啦! 去完水上市場我哋就去一個好驚險嘅市場啦~呢個係位於Amphawa嘅Rom Hup Market. 點解呢個市場咁驚險?係因為佢設喺條鐵路上面架~當火車經過時,小販會極速收起簾篷同貨物,場面真係既驚險又震撼架!所以黎到呢度記得唔好掛住SHOPPING,要小心睇車呀!^^ 如果你鍾意古跡嘅話,你可以去位於Mae Klong River嘅拉瑪二世紀念公園(The King Rama II Memorial Park). 佢係拉瑪二世嘅出生地,入面有傳統嘅泰式屋之外,仲有露天劇場同埋植物園。每年二月呢度都會有個紀念節,現場會有甜品,手工藝品賣之外,仲會有傳統嘅泰國表演睇架~ 如果你已經Amnoen Saduak Floating Market仲未滿足到你嘅話,咁可以去埋Amphawa Floating Market,呢個水上市係位於運河邊,你除咗可以買到新鮮嘅農產品,仲有即買即食嘅海鮮同地道小食。周邊有好多從舊式到現代風格嘅屋,入面除咗有商店仲有博物館(Community Exhibition Room and the Yesteryear Museum),入面展示嘅設備可以俾你了解運河上生活嘅變化。 The King Rama II Memorial Park 入場費:成人泰銖20元,小童泰銖5元 #泰旅局#曼谷

#穿越曼谷之旅 路線四《第二站》 到第二日我哋會帶大家都睇泰國當地藝術文化嘅一面~首先我哋會去位於Ratchaburi 嘅Siam Cultural Park (暹羅文化公園),呢度展覽係關於泰國文化生活方式嘅藝術作品,例如有名人蠟像館,和尚宿舍,仲有3大時代嘅佛像,你可以從好似置身其中去體驗泰國嘅生活方式,從中了解到從過去到現在不同地區既泰國文化同獨特性。 感受完泰國本土文化之後,我哋帶你去丹麥玩啦!呢度其實係位於Cha-am 嘅Santorini Park,佢嘅建築靈感係來自希臘聖托里尼島,建築物就好似希臘小屋咁以白色同藍色為主,而且四周圍都可以見到千奇百怪嘅藝術裝飾,令你有種置身於童畫世界嘅感覺架!成個公園分開兩個區,分別係村莊區,入面有女士們最愛嘅購買商店,由名牌時裝到手工藝品應有盡有,仲有可以俾大家悠閒一番嘅咖啡室同餐廳添。另一邊係公園區,入面有來自世界各地嘅遊樂場設施,可以俾大家玩個痛快架! 香港呢幾年出現左好多創意市集,其實泰國都有創意市集架~佢地就係位於Hua Hin嘅Plearn Wan同埋 Cicada Market, 兩個市集相距只係8公里,但佢哋都有唔同嘅特色架~Plearn Wan 就好似個博物館一樣,入面有華欣50年代風格嘅商店,仲有個充滿泰國廟會氣氛嘅露天劇場。Cicada Market主題係結合社區文化藝術同動態活動,入面有當代藝術,手工藝品,食物,工作坊等開放式商店,可以睇到泰國年青一代嘅藝術創作,鍾意藝術設計嘅你就要黎呢度行下喇!行夜左肚餓嘅話仲可以去距離4公里嘅華欣夜市食宵夜架~^^ Siam Culture Park 入場費:成人泰銖300元,小童泰銖200元 網址:www.scppark.com Santorini Park 入場費:泰銖50元 網址:www.santoriniparkchaam.com Plearn Wan 網址: www.plearnwan.com Cicada Market 網址: www.cicadamarket.com #泰旅局#曼谷

#穿越曼谷之旅 路線四《第三站》 路線四第三站,亦係今條路線嘅終點喇~我哋會帶大家去大自然Relaxing一下~黎到Prachuap Khiri Khan 嘅Sam Roi Yot National Park ( 羅尤國家公園 ), 入面有一個巨型嘅山洞,洞穴入面石灰石牆上面有巨型嘅鐘乳石同石筍,形成自然嘅天窗,所以洞入面生長咗好多嘅植物架,呢度嘅景象係經過好多年先形成到嘅天然景觀黎架! 行完山洞我哋就去玩水喇!~Ko Thalu係一個小島,唔好睇佢島仔細細,呢度環境一啲都唔輸蝕架~除咗清澈嘅海水加上潔白嘅沙灘,就算你唔玩潛水,喺Au Yai浮潛都可以睇到好多靚珊瑚同熱帶魚架~ 呢度仲有個海龜養殖中心,你可以近距離接受海龜同觀察佢哋嘅生態添架~^^ Ko Thalu & Ko Sing Tourist Information 網址: www.taludiving.com, www.taluisland.com #泰旅局 #曼谷